जनकपुरधाम । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नागरिकता विधेयक सदनबाट पारित भएपछि ६-७ लाख नेपालीले नागरिकता पाउने बताएका छन्।
आज (शनिबार) सर्लाहीमा आयाेजना गरिएकाे पार्टी प्रवेश कार्यक्रममा सहभागी हुन आएका अध्यक्ष प्रचण्डले जनकपुर विमानस्थलमा सञ्चारकर्मीहरूसँग कुराकानी गर्दै यस्ताे बताएका हुन्।
उनले नागरिकता अभावका कारण नेपालीहरू धेरै कामबाट बञ्चित हुनुपर्ने अवस्था रहेकोमा त्यसको समाधान भएको बताए। उनले पारित भएको नागरिकता विधेयक चाँडै कार्यान्वयनमा आउने पनि बताए।
प्रचण्डले भने, ‘बुवाआमा नागरिक भएका सन्तानले नागरिकता पाउने कुरा हुन्छ। त्यो व्यवस्था गरिन्छ मैले तपाईंहरूको माध्यमबाट आमजनतालाई भनेको थिएँ। आज आउँदा हिजो नै सदनबाट नागरिकता विधेयक पारित भएको छ।’
मधेसका जनतालाई यो खबर सुनाउन पाउँदा आफूलाई गर्व महसुस भइरहेको पूर्वप्रधानमन्त्रीसमेत रहेको अध्यक्ष प्रचण्डकाे भनाइ छ। अर्काे प्रसंगमा उनले गठबन्धनभित्र रहेका सबै बामपन्थी पृष्ठभूमि भएका समूहसँग छलफल चलिरहेको र गठबन्धन भित्रकै बामपन्थी समूहबीच राम्रो समझदारी बनाउनुपर्ने बताए।
‘सकियो भने चुनावी मोर्चा पनि हुन सक्छ। पार्टी एकताको लागि संयोजन समिति पनि हुन सक्छ। हाम्रो छलफल चलिरहेको छ तर अहिले अन्तिम निर्णयमा पुगेका छैनौँ। सम्भवतः केही दिन भित्र एउटा निर्णयमा पुग्छौँ’, उनले भने।
प्रतिक्रिया दिनुहोस
सफल खबर संवाददाता
शनिबार, ०७ साउन २०७९, १३ : १२
लेखकबाट थप
सम्बन्धित समाचारहरु
प्रधानमन्त्रीको उपस्थितिमा १६औँ योजनाका विषयमा छलफल
गौतमबुद्ध अन्तर्राष्ट्रिय क्रिकेट रंगशालाका लागि आवश्यक बजेट उपलब्ध हुन्छ: प्रधानमन्त्री प्रचण्ड
भरतपुर आधुनिक सहरका रूपमा विकास भइरहेको छ : प्रधानमन्त्री प्रचण्ड
बालुवाटारमा प्रचण्ड, देउवा र ओलीबीच भेटवार्ता
सोच विचार गरेर नै नयाँ गठबन्धन बनाइएको हो : प्रधानमन्त्री प्रचण्ड
सरकारको गति परिवर्तन गर्न नयाँ समीकरण बनाएका हौँ : प्रधानमन्त्री प्रचण्ड