विवाह गर्दै नयनतारा

काठमाडौं । दक्षिण भारतीय फिल्म उद्योगकी सफल नायिका नयनताराले विवाह गर्ने भएकी छिन् ।

फिल्म निर्देशक विग्नेश शिवनसँगको प्रेमलाई उनले विवाहमा परिणत गर्न लागेकी हुन् । दुवैले केही समयअघि इन्गेजमेन्ट गरेका थिए । यी जोडीले आफ्नो प्रेमभाव व्यक्त गर्ने सामाजिक सञ्जालमा आफ्ना सुन्दर तस्बिरहरु सेयर गर्ने गर्छन् । नयनताराले आउँदो जुन ९ तारिखमा आफ्नो प्रेमी विग्नेशसँग तिरुपति मन्दिरमा विवाह गर्ने भएकी छन् । यी दुईको विवाह बारे पिंकभिल्लाले पुष्टी गरेको छ ।

पोर्टलका अनुसार यी दुईको विवाहमा नजिकका नातेदार मात्र सामेल हुनेछन् । पहिला भव्य रुपमा विवाह गर्ने योजना बनाएको यो जोडीले हालै पारिवारिक सदस्यको उपस्थितिमा मात्र विवाह गर्ने जनाएको हो । नयनतारालाई दक्षिण भारतीय फिल्ममा ‘लेडी सुपरस्टार’ भन्ने गरिन्छ । उनलाई यो ट्याग प्रभुदेवाले दिएका थिए । एक समय थियो जब नयनतारा र प्रभुदेवा एक अर्काको प्रेममा थिए । दुवै विवाह गर्न चाहन्थे। तर अचानक दुवैको बाटो छुट्टियो ।

नयनतारा र प्रभुदेवाको प्रेम फिल्म ‘विल्लु’ को सेटबाट सुरु भएको थियो । यस फिल्ममा नयनतारा मुख्य नायिकाको रुपमा देखिएकी थिइन् भने प्रभुदेवाले निर्देशन गरेका थिए । त्यसबेला नयनतारा अविवाहित थिइन् तर प्रभुदेवा विवाहित थिए । दुबैले लामो समय एक अर्कालाई डेट गरेका थिए । दुबै लामो समयदेखि लिभ इनमा रहेको दाबी गरिएको छ । नयनतारा र प्रभुदेवा पनि बिहे गर्न चाहन्थे । तर प्रभुदेवाकी पहिलो पत्नी लताले यस्तो हुन दिइनन् ।

नयनताराको फिल्मी लाइफको कुरा गर्ने हो भने उनले मलयालम फिल्म ‘मानसिंकरे’ बाट आफ्नो अभिनय करियर सुरु गरेकी थिइन् । यस फिल्ममा नयनतारासँग जयराम देखिएका थिए । यसपछि उनले सन् २००५ मा फिल्म ‘अय्या’ मार्फत तमिल फिल्म उद्योगमा प्रवेश गरेकी थिइन् र त्यसपछि नयनताराले फिल्म ‘लक्ष्मी’ मार्फत तेलुगु इन्डस्ट्रीमा प्रवेश गरिन् ।

अभिनेत्रीको सबैभन्दा सफल फिल्म ‘चन्द्रमुखी’ थियो । यस फिल्ममा नयनतारासँगै रजनीकान्त देखिएका थिए ।