काँग्रेस र जसपाले मित्रवत प्रतिस्पर्धा गर्ने, गठबन्धनको औचित्य सकियो

काठमाडौं । नेपाली काँग्रेस र जनता समाजवादी पार्टी नेपालले वीरगञ्ज महानगरपालिकासहित १३ वटा पालिकामा मित्रवत् प्रतिस्पर्धा गर्ने निर्णय गरेपछि गठबन्धनको औचित्य समाप्त भएको छ।

कांग्रेस पर्साका सभापति जनार्दन सिंह क्षेत्री र जसपाका सभापति रामनरेश यादवले शनिबार संयुक्त प्रेस विज्ञप्तिमार्फत सो निर्णय सार्वजनिक गरेका हुन् । 

सत्ता गठबन्धनका पाँच दलमध्ये नेपाली काँग्रेस र जसपाबाहेकका अन्य दल नेकपा (एकीकृत समाजवादी), नेकपा माओवादी र लोसपा अस्तित्वमा भए पनि ती दलको प्रभाव जिल्लामा कमजोर छ।

सत्ता गठबन्धनका दुई प्रमुख दल काँग्रेस र जसपाले एक्लाएक्लै निवार्चनमा भाग लिने निर्णय गरिसकेपछि गठबन्धनको औचित्य नरहेको दुवै दलका जिल्लास्तरीय शीर्ष नेताहरूको भनाइ छ। गोरखापत्रमा खबर छ ।