सुरक्षा चुनौतीको सामना गर्न गृह प्रशासन सुधार योजना सार्वजनिक

काठमाडौं । वर्तमान शासन प्रणालीबमोजिम संघ, प्रदेश र स्थानीय तहमा आउनसक्ने राष्ट्रिय तथा अन्तर्राष्ट्रिय सुरक्षा चुनौतीको सामना गर्न प्रभावकारी राष्ट्रिय सुरक्षा प्रणालीको विकास गर्न गृह मन्त्रालयले गृह प्रशासन सुधार योजना २०७८ सार्वजनिक गरेको छ ।

मन्त्रालयले सुरक्षा निकायलाई एकीकृत ढंगले सञ्चालन गर्न तीनवटै सुरक्षा निकायलाई प्रविधि अनुकूल बनाउने योजना अघि सारेको छ । मन्त्रालयले सार्वजनिक गरेको सुधार योजनामा नेपालको संविधान २०७२ को धारा ५१ ९क० बमोजिम राष्ट्रिय एकता तथा राष्ट्रिय सुरक्षासम्वन्धी नीतिलाई सम्बोधन गर्दै राष्ट्रिय तथा अन्तर्राष्ट्रिय प्रतिवद्धताहरू, गृह प्रशासनसम्वद्ध ऐन, नियम र कानुनलाई परिमार्जित गर्दै लैजाने उल्लेख गरिएको छ ।

गृह प्रशासनलाई सक्षम, सबल र साधन सम्पन्न बनाएर नागरिकमा शान्ति सुरक्षाको प्रत्याभूति तथा सरकारप्रतिको विश्वासको अनुभूति दिलाउँदै सेवा प्रवाहलाई थप प्रभावकारी बनाउन कार्यजोजना ल्याइएको मन्त्रालयले दाबी गरेको छ । गृह प्रशासनका आगामी क्रियाकलाप थप अनुमानयोग्य र योजनाबद्ध बनाउँदै लैजान गृह प्रशासन सुधार कार्ययोजना जारी गरिएको पनि मन्त्रालयले जनाएको छ । नेपाल समाचारपत्र दैनिकमा खबर छ ।