मैले विश्राम लिएको छैन, राजनीतिक यात्रा जारी छ : रामचन्द्र पौडेल

काठमाडौं । नेपाली कांग्रेसका वरिष्ठ नेता रामचन्द्र पौडेलले राजनीतिक यात्राबाट आफूले विश्राम नलिएको स्पष्ट पारेका छन्। उनले प्रेस विज्ञप्ति जारी गर्दै यस्तो बताएका हुन्।

नेपाली कांग्रेसको १४औं महाधिवेशनबाट निर्वाचित पदाधिकारी र सदस्यलाई बधाई दिँदै उनले आफ्नो राजनीतिक यात्रा जारी रहने स्पष्ट पारेका छन्। ‘मेरा साथीहरुले रामचन्द्रजीले अब पार्टीभित्रको चुनाव लड्नुहुँदैन जोगिएर रहनुपर्छ भनेको हुनाले प्रतिस्पर्धाबाट नै अलग रहने निर्णयमा पुगेँ, त्यस निर्णयप्रति इमान्दार रहन मतदानबाटै अलग रहेँ।

यसरी अलग बस्नु राजनीतिक यात्रामा विश्राम होइन, केही क्षणको अल्पविराम मात्र हो। मेरो राजनीतिक यात्रा जारी छ,’ विज्ञप्तिमा उनले भनेका छन्। अन्नपूर्ण पोष्ट दैनिकमा खबर छ ।