नेपालमा २४ प्रतिशतले लगाए पूर्णखोप

काठमाडौं । नेपालको कूल जनसंख्याको २४.३ प्रतिशतले मात्र कोभिड–१९ विरुद्ध पूर्णमात्रा खोप लगाएका छन् । स्वास्थ्य मन्त्रालयले बुधबार विज्ञप्ति जारी गर्दै सो जानकारी दिएको हो ।

कूल जनसंख्याको २८.७ प्रतिशतले एकडोज खोप लगाएको मन्त्रालयले जनाएको छ । चीनले बुधबार १६ लाख डोज भेरोसेल खोप दिएको जनाउँदै मन्त्रालयले चैतसम्म सबै जनसंख्यालाई खोप लगाउने समेत जनाएको छ । ‘सरकार नेपाली जनतालाई समयमै कोभिडविरुद्धको खोप लगाउन प्रतिबद्ध छ’ विज्ञप्तिमा भनिएको छ ।