‘पढ्दै कमाउँदै’ कार्यक्रम कार्यन्वयन गर्न कार्यविधि तयार पारिँदै

सफल खबर संवाददाता

सोमबार, ०१ कार्तिक २०७८, १९ : ५८
‘पढ्दै कमाउँदै’ कार्यक्रम कार्यन्वयन गर्न कार्यविधि तयार पारिँदै

काठमाडौं । ‘पढ्दै कमाउँदै’ कार्यक्रम कार्यन्वयनका लागि सरकारले कार्यविधि तयार पार्न थालेको छ । शिक्षा, विज्ञान तथा प्रविधि मन्त्रालयले प्राविधिक धारको कक्षा सञ्चालन भएका विद्यालयलाई प्राथमिकतामा राखेर परीक्षणका रुपमा कार्यान्वयन गर्ने गरी कार्यविधिको मस्यौदा तयार भएको जनाएको छ ।

CG Developers Tansen Cement box

यो वर्ष पढ्दै कमाउँदै कार्यक्रम परीक्षणका रुपमा केही प्राविधिक धारका विद्यालयहरुमा लागू गर्ने तयारी भइरहेको मन्त्रालयका योजना तथा कार्यक्रम महाशाखा प्रमुख डा तुलसी प्रसाद थपलियाले जानकारी दिए । उनले भने ‘यो वर्ष प्राविधिक धार तर्फका करिब २५ वटा कार्यक्रम विद्यालयहरुमा लागू गर्ने योजना छ ।’

शेरबहादुर देउवा प्रधानमन्त्री भएपछि आएको बजेट अध्यादेशको प्रतिस्थापन विधेयकमा सरकारले घोषणा गरेको माध्यमिक तह (कक्षा ९–१२) का विद्यार्थी लक्षित ‘पढ्दै कमाउँदै कार्यक्रम’ सञ्चालनका लागि मन्त्रालयले कार्यविधि तयारी थालेको हो ।

प्रतिक्रिया दिनुहोस