काठमाडौँ । जिल्लाको पूर्वीक्षेत्रमा पर्ने बोगटान फुड्सिल गाउँपालिकाले यस वर्षको दसैँ बिदा घटाएर पालिकाभरिमा रहेका सबै सामुदायिक विद्यालय सञ्चालन गर्ने भएको छ ।
कोरोना महामारीका कारण लामो समय विद्यालय बन्द हुँदा विद्यार्थीको पढाइमा निकै घाटा भएको जनाउँदै यो वर्षको दसैँ बिदामा विद्यालय सञ्चालन गर्न सबै सामुदायिक विद्यालयलाई पत्राचार गरिएको शिक्षा, युवा तथा खेलकुद शाखाका संयोजक खेमबहादुर साउँदले जानकारी दिए ।
उहाँका अनुसार यो वर्ष यहाँका सामुदायिक विद्यालयमा विगतका वर्ष जस्तो दसैँ बिदा नदिइने र दसैँ बिदा असोज २६ गतेदेखि ३१ सम्म मात्र बिदा दिइने छ । जिल्लामा दसैँ बिदा घटाएर विद्यालयमा नियमित पठनपाठन सुचारु गर्न पत्राचार गर्ने बोगटान फुड्सिल गाउँपालिका पहिलो गाउँपालिका रहेको भन्दै यहाँका अभिभावक तथा विद्यार्थी निकै खुशी भएको स्थानीय प्रकाश बमले बताए ।
उनले भने, “कोरोना महामारीले विद्यालय बन्द हुँदा पढाइ भएको थिएन, अझ दसैँमा पनि धेरै बिदा दिएको भए विद्यार्थी पढाइ नै बिर्सिने सम्भवना थियो, पालिकाले दसैँ बिदामा पनि पढाइ सुचारु गर्न पत्र पठाएको छ, यो राम्रो कुरा हो ।”
प्रतिक्रिया दिनुहोस
रासस
शुक्रबार, १५ असोज २०७८, १९ : १८
लेखकबाट थप
सम्बन्धित समाचारहरु
विगतजस्तो उत्साहजनक बन्न सकेन दसैँ
दसैँमा सामूहिक सन्देश पठाउन टेलिकमको ‘ग्रुप एसएमएस’, कति लाग्छ शुल्क ?
दसैँमा पनि आयल निगमका डिपोहरू खुला रहने
दसैँमा पोखराबाट बाहिरिने यात्रु घटे
दसैँमा हराउँदै लिंगे पिङको चलन, गाउँका डाँडा र चौतारा सुनसान
दसैँका यात्रु बोक्ने चालकले लापसे गरेर गाडी चलाएको भेटियो