काठमाडौँ । दक्षिण एसियाली क्षेत्रीय सहयोग संगठन (सार्क) को परराष्ट्रमन्त्रीस्तरीय साइडलाइन बैठक रद्द भएको छ । यसै हप्ता न्युयोर्कमा हुने भनिएको सार्क सदस्य राष्ट्रहरूबीच सहमति नजुटेकाले बैठक रद्द भएको सार्क सचिवालयले जनाएको छ ।
सार्क सचिवालयबाट सबै सदस्य राष्ट्रका परराष्ट्र मन्त्रालयलाई बैठक रद्ध भएको जानकारीसहितको पत्र पठाइसकिएको छ । सार्कको अध्यक्षसमेत रहेको नेपालको परराष्ट्र मन्त्रालयले सेप्टेम्बर २५ मा हुने भनिएको सहमति नजुटेकाले साइडलाइन बैठक नहुने जानकारी दिएको सचिवालयले जनाएको छ ।
_20231127105311.gif)
काठमाडौंस्थित सार्क सचिवालयले संयुक्त राष्ट्रसंघको महासभाका अवसरमा हुने साइडलाइन बैठकमा कम्तीमा ६ मुलुक सहभागी हुनुपर्ने भए पनि सहमति नजुटेको बताएको छ । त्यस्तै परराष्ट्र मन्त्रालयले पनि बैठक स्थगित भएको पुष्टि गरेको छ ।
भारतीय सञ्चारमाध्यमहरूले भने पाकिस्तानका कारण बैठक रद्द भएको जनाएका छन् । पाकिस्तानले बैठकमा अफगानिस्तानबाट पनि सहभागिता हुनपर्ने कुरामा जोड दिएको बताइएको छ । तर यसबारेमा पाकिस्तानले भने औपचारिक रूपमा केही प्रतिक्रिया दिएको छैन ।
प्रतिक्रिया दिनुहोस
सफल खबर संवाददाता
बुधबार, ०६ असोज २०७८, १० : १३
लेखकबाट थप
सम्बन्धित समाचारहरु
सार्कलाई निरन्तर सहयोग रहने संयुक्त राष्ट्रसंघको आश्वासन
सार्कका नयाँ महासचिवले सम्हाले कार्यभार