बागमती प्रदेशका सामाजिक विकास मन्त्री खनालले दिए राजीनामा

सफल खबर संवाददाता

बुधबार, १६ भदौ २०७८, १० : १६
बागमती प्रदेशका सामाजिक विकास मन्त्री खनालले दिए राजीनामा

काठमाडौँ । बागमती प्रदेशका सामाजिक विकास मन्त्री कृष्णप्रसाद खनालले मन्त्री पदबाटराजीनामा दिएका छन् । नेकपा एमालेकी उपाध्यक्ष अष्टलक्ष्मी शाक्यको नेतृत्वमा सरकार गठन भएपछि सोही दिन उनी मन्त्री बनेका थिए ।

CG Developers Tansen Cement box

खनालले एमालेबाट विभाजित भई नेकपा (एकीकृत समाजवादी) पार्टी रोजेसंगै मन्त्री पदबाट राजिनामा दिएका हुन् । लामो समय एमाले अध्यक्ष केपी शर्मा ओलीको कटु आलोचक रहेकी अष्टलक्ष्मी शाक्य माधवकुमार नेपाल पक्षमा थिइन । तर अहिले उनी ओली तिरै गएर मुख्यमन्त्री बनेकी छन् ।

बागमती प्रदेशका १२ एमाले सांसदले एकीकृत समाजवादी पार्टी रोजेपछि उनी दुई हप्तामै अल्पमतमा परेकी छन् । सरकार अल्पमतमा परेकाले उनले प्रदेशसभाबाट विश्वासको मत लिनु पर्ने भएको छ ।