वैकल्पिक माध्यमबाट परीक्षा सञ्चालन गराउन  गगन थापाले गराए प्रधानमन्त्री देउवाको ध्यानाकर्षण

काठमाडौं । नेपाली काँग्रेसका नेता गगन थापाले स्वास्थ्य सुरक्षाका मापदण्ड पालना नगरी परीक्षा सञ्चालन गरिएको बारे प्रधानमन्त्री शेरबहादुर देउवाको ध्यानाकर्षण गराएका छन् । आज बिहान प्रधानमन्त्री निवास बालुवाटार पुगि थापाले  देउवाको ध्यानाकर्षण गराएका हुन् । 

वैकल्पिक माध्यमबाट परीक्षा सञ्चालन गर्न  ध्यानाकर्षण गराउँदा पनि स्वास्थ्य सुरक्षाका मापदण्ड पालना नगरी परीक्षा सञ्चालन भइरहेका थापाको भनाइ छ । देउवाले यो विषयलाई गम्भीरताका साथ लिएको थापाले बताए ।

साथै तत्काल पहलकदमी लिइ ठोस निर्णय लिने कुराको विश्वास समेत दिलाएको उनले बताए ।  परीक्षा केन्द्रहरूमा एकै कोठामा धेरै विद्यार्थी राखिएको, स्वास्थ्य मापदण्डको कडाइका साथ पालना नगरिएकोले कोरोना फैलने जोखिम रहेको भन्दै थापाले बताएका हुन् ।

सरकारले कक्षा १२ को परीक्षा रोके पनि त्रिविलगायतका परीक्षा भने सञ्चालन भइरहेका छन्। त्रिविले भदौ ५ सम्मका परीक्षाहरू सञ्चालन गर्ने यसअघि नै निर्णय गरिसकेको छ।