काठमाडौँ । नेकपा माओवादी केन्द्रका स्थायी समिति सदस्य तथा अर्थमन्त्री जनार्दन शर्मा 'प्रभाकर'ले कम्युनिष्ट आन्दोलनमा बैचारिक खडेरी परेको धारणा व्यक्त गरेका छन् ।
माक्र्सवादी ज्ञान केन्द्रले बागमती र लुम्बिनी प्रदेशको लागि सुरु गरेको आधारभूत भुर्चअल कक्षा शुभारम्भको अवसरमा बोल्दै नेता प्रभाकरले बैचारिक आदर्शमा स्खलन आएको बताएका हुन् ।
मन्त्री शर्माले माक्सवादी वैचारिक ज्ञानको धरातल कमजोर हुँदा कम्युनिष्ट आन्दोलन नै विघटन हुने खतरा पैदा भएको टिप्पणी गरे । मूल नेतृत्वमा माक्र्सवादी वैचारिक आदर्श कमजोर हुनुको परिणामस्वरुप नै शक्तिशाली नेकपा विभाजन हुन पुगेको उनको भनाइ छ ।
केपी ओलीले माक्र्सवादको अध्ययन गर्नुको सट्टा सुख सागर, रामायण महाभारतको अध्ययन बढी गरेको कारण कम्युनिष्ट आन्दोलन कमजोर बनेको टिप्पणी गरे ।
कम्युनिष्ट दर्शन भनेको श्रमिक र उत्पीडितहरुको मुक्तिको दर्शन भएको भन्दै उनले नेपालमा कम्युनिष्ट आन्दोलन पुनर्संगठित गर्न नेता कार्यकर्ताहरुले माक्र्सवादको ज्ञान, माक्र्सवादी आदर्श र आचरणमा प्रतिवद्ध रहनुपर्नेमा जोड दिए ।
माक्र्सवादी ज्ञान र आदर्शको अनुशरणले मात्र देशभरका लाखौं युवाहरुलाई परिवर्तन र विकासको काममा परिचालन गर्न सकिने भन्दै उनले वर्तमानको डिजिटल युग सुहाउदो संगठन बनाउनुपर्ने बताए ।
प्रतिक्रिया दिनुहोस
सफल खबर संवाददाता
शनिबार, ०९ साउन २०७८, २१ : ०८
लेखकबाट थप
सम्बन्धित समाचारहरु
कर्णालीको मुख्यमन्त्री माओवादीले नै लिनुपर्छ : जनार्दन शर्मा
संस्थागत हितको पक्षमा पार्टीमा विषय उठान गरेको हुँ : जनार्दन शर्मा
कर्णालीको विकास गरेमात्रै देशको विकास सम्भव : जनार्दन शर्मा
विद्युत् लाइन काट्ने निर्णयबारे बहस चल्नु दुर्भाग्य : जनार्दन शर्मा
एनसेलले लुटको खेती गरिरहेको छ : जनार्दन शर्मा
सानीभेरी किनारामा ओलीलाई जनार्दन शर्माको स्वागत