बाढीबाट क्षतिग्रस्त सिन्धुपाल्चोक निरीक्षणमा जाँदै प्रधानमन्त्री ओली

सफल खबर संवाददाता

शनिबार, २६ असार २०७८, १० : ०४
बाढीबाट क्षतिग्रस्त सिन्धुपाल्चोक निरीक्षणमा जाँदै प्रधानमन्त्री ओली

काठमाडौं । प्रधानमन्त्री केपी ओली बाढीबाट क्षतिग्रस्त सिन्धुपाल्चोक निरीक्षणका लागि आज त्यसतर्फ जाने भएका छन् । बाढीले क्षति पुर्‍याएका विभिन्न ठाउँको निरीक्षणका लागि प्रधानमन्त्री ओली नेपाली सेनाको हेलिकप्टरमार्फत आज सिन्धुपाल्चोक जान लागेका हुन् ।

ओलीले मेलम्ची खानेपानीको मुहानमा बाढीले पुर्‍याएको क्षतिका साथै क्षतिग्रस्त विभिन्न ठाउँ तथा वस्तीको निरीक्षण गर्नेछन् । प्रधानमन्त्रीका सञ्चारविज्ञ रामशरण बगजागाईंले स्थलगत निरीक्षणका लागि प्रधानमन्त्री सिन्धुपाल्चोक जान लागेको बताए । बाढीले पुर्‍याएको क्षतिको स्थलगत निरीक्षणका लागि प्रधानमन्त्री ओली सिन्धुपाल्चोक जान लागेका हुन् । 

ओलीले हेलम्बु गाउँपालिकाको गणेशे बगर भन्ने स्थानमा पीडितहरूसँग अन्तर्क्रिया गर्नेछन् । त्यसपछि ओली मेलम्चीको सैनिक क्याम्पमा जाने छन् । खनालका अनुसार त्यहाँ, सिन्धुपाल्चोकका प्रमुख जिल्ला अधिकारी अरुण पोखरेलले बाढीले पुर्‍याएको क्षतिका बारेमा प्रधानमन्त्रीलाई ब्रिफिङ गर्ने छन् । 
 

प्रतिक्रिया दिनुहोस