काठमाडौं । नेपाली कांग्रेसका नेता एवं पूर्व स्वास्थ्य मन्त्री गगनकुमार थापाले पूर्व प्रधानमन्त्री झलनाथ खनालको उपचार खर्च व्यहोर्ने कुन कानुनमा भएको भन्दै प्रश्न तेर्साएका छन् । उनले विदेशमा उपचार गरेको खर्च सरकारले नव्यहोर्ने व्यवस्था कानूनमा हुँदाहुँदै निर्णय हुनु गलत भएको धारणा व्यक्त गरेका छन् ।
सामाजिक सञ्जाल ट्विटरमा लेख्दै नेता थापाले आफूले नै विदेशमा उपचार गर्दा खर्च नव्यहोर्ने संशोधन दर्ता गरेको र पारित भएको उल्लेख गरेका छन् ।
थापाले ट्वीट गरेका छन्, ‘उच्च ओहदामा बसेकाहरूले विदेशमा उपचार गराउँदा स्वास्थ्य मन्त्रालयले सिफारिस गर्ने र मन्त्रिपरिषद्ले निर्णय गर्ने प्रचलन थियो । यो गलत छ भनेर कार्यविधि बनाएर रोक्ने प्रयास गर्यौं र मन्त्रालयबाट एक जनाको पनि सिफारिस गरेनौं । तर पनि प्रमको ठाडो प्रस्तावमा राज्यकोषबाट उपचार खर्च दिने काम रोकिएन ।
कानून नबनेसम्म यस्तो काम बन्द हुँदैन भन्ने ठानेर २०७४ सालमा ओली सरकारले ल्याएको जनस्वास्थ्य विधेयकमा मैले नै ‘प्रचलित कानूनमा जुनसुकै कुरा लेखिएको भए तापनि कुनै व्यक्तिलाई विदेशमा उपचार गर्नुपरेमा सोको लागि लाग्ने खर्च नेपाल सरकारबाट उपलब्ध गराइने छैन’ भन्ने संशोधन प्रस्ताव राखें ।
यो संशोधन संसदले स्वीकार्दै बनेको कानून २०७५-६-२ गतेदेखि लागू भयो । कानूनले स्पष्ट भन्छ जहाँ जे लेखिएको भए पनि कुनै पनि व्यक्तिलाई सरकारको ढुकुटीबाट विदेशमा उपचार गरेको १ रुपैयाँ पनि तिर्न मिल्दैन । प्रधानमन्त्रीज्यू, अब भन्नुस्, पूर्व प्रमको खर्च व्यहोर्ने निर्णय कुन कानूनमा टेकेर गर्नुभयो ?’
प्रतिक्रिया दिनुहोस
सफल खबर संवाददाता
शनिबार, २६ असार २०७८, ०९ : ०३
लेखकबाट थप
सम्बन्धित समाचारहरु
लोकतन्त्रको विकल्प समुन्नत लोकतन्त्र नै हो : गगन थापा
काँग्रेसलाई समुदायमा फर्काएका छौँ, अब हिँड्ने हो : गगन थापा
इलाम–२ को चुनावी सभालाई महामन्त्रीद्वयले सम्बोधन गर्ने
०४७ यताका प्रकरणको छानबिन गर्न पहिले कानुन संशोधन गरौँ : गगन थापा
स्वास्थ्य बीमाबारे प्रधानमन्त्रीलाई बुझाउनै सकिएन : गगन थापा
इलाम-२ को उम्मेदवार चयन काठमाडौँको गोप्य कोठामा हुँदैन : गगन थापा