गण्डकीमा जनता समाजवादी पार्टीका दुवै सांसदलाई मन्त्री बनाउन सहमत

काठमाडौं । अर्थसहित दुबै सांसदले मन्त्री नपाए समर्थन फिर्ता लिने चेतावनी दिएपछि गण्डकी प्रदेशका मुख्यमन्त्री कृष्णचन्द्र पोखरेलले जनता समाजवादी पार्टीका दुवै सांसदलाई मन्त्री बनाउन सहमत भएका छन् ।

पोखरेलले प्रदेशसभामा विश्वासको मत लिनुअघि नै जसपासँग गरेको लिखित सहमतिमा जसपालाई अर्थसहित २ मन्त्रालय दिने उल्लेख थियो । अर्थसहित दुई मन्त्रालय नपाए पोखरेलको सरकार नै ढल्ने अवस्था देखिएपछि जसपाका दुबैलाई मन्त्री दिन पोखरेल सहमत भएका हुन् ।

गण्डकी प्रदेशमा रहेका जसपाका २ सांसदमध्ये हरिशरण आचार्य मन्त्रिपरिषदमा समावेश भइसकेका छन् । धनमाया पोखरेल लामा मन्त्री बन्न बाँकी छ ।