आजको मौसम कस्तो रहला ?

काठमाडौं । हाल देशमा पश्चिमी, पूर्वीय र स्थानीय वायुको मिश्रित प्रभाव रहेको जल तथा मौसम पूर्वानुमान महाशाखाले जनाएको छ । 

जसका कारण हाल देशभर सामान्य बदलीका साथै केही स्थानमा हल्कादेखि मध्यम वर्षा भइरहेको छ। महाशाखाले आज दिनभर देशभर सामान्यदेखि पूर्ण बदली रहने पूर्वानुमान गरेको छ । यस्तै देशका धेरै  स्थानहरुमा मेघगर्जनसहित हल्कादेखि मध्यम वर्षाको सम्भावना रहेको छ। 

यसैगरी राति देशभर सामान्यदेखि पूर्ण बदली रहनेछ भने धेरै  स्थानहरुमा हल्कादेखि मध्यम वर्षाको सम्भावना पनि रहेको छ।