काठमाडौं । भक्तपुरको चाँगुनारायण नगरपालिका–६, बालवन वालखोलामा आज अपरिचित ३० वर्षीय पुरुषको शव भेटिएको छ ।खोलामा घोप्टो परेर अनुहार पानीमा डुबेका अवस्थामा गहुँगोरो वर्णको, पाँच फिट आठ इन्च उचाइ भएको, दाहिने हातको बूढीऔँला र चोरी औँलाका बीचमा ॐ लेखिएको ट्याटु, बायाँ खुट्टाको पिँडौलादेखि कान्छी औँलासम्म पुरानो खत रहेको पुरुषको शव भेटिएको प्रहरी परिसर भक्तपुरका सूचना अधिकारी प्रहरी नायब उपरीक्षक दीपक गिरीले जानकारी दिए ।
शव परीक्षणका लागि काठमाडौँ मेडिकल कलेज दुवाकोट भक्तपुरमा पठाइएको गिरीले बताए । घटना कसरी भयो, हत्या हो कि अरू कुनै कारणले मृत्यु भएको हो भन्नेबारेमा प्रहरीले घटनास्थलबाटै अनुसन्धान शुरु गरेको जनाउँदै गिरीले मृतकको पहिचान खुलेपछि र शव परीक्षणको रिपोर्ट आएपछि मात्रै थप भन्न सकिने बताए ।
प्रतिक्रिया दिनुहोस
रासस
आइतबार, ०२ जेठ २०७८, १३ : ४९
लेखकबाट थप
सम्बन्धित समाचारहरु
चितवनमा एक पुरुषको शव फेला
ट्याक्सी दुर्घटनामा बेपत्ता युवकको शव फेला
मुगुमा घाटी रेटिएको अवस्थामा एकै परिवारका चार जनाको शव फेला
भक्तपुरमा सालनालसहित नवजात शिशुको शव फेला
सप्तरीमा युवकको शव फेला
कैलालीमा १८ वर्षीया किशोरीको शव फेला