भारतको सितामढींमा भेटिए हराईरहेका किशोरी सहित सात बालिका, नेपाल ल्याउने तयारी

महोत्तरी । महोत्तरीको भंगाहा नगरपालिका–८ स्थत धर्मपुराबाट हिजोदेखि हराइरहेका ७ जना किशोरी तथा बालिका भारतको सीतामढीमा भेटिएका छन् ।

भंगाहाका मेयर संजिव कुमार साहले हिजो बेपत्ता भएकाहरू बिहार राज्यको सीतामढीमा भेटिएको दाबी गरेका छन् । यताप्रहरीले भने महोत्तरीबाट हराएका किशोरीहरू भारतमा भेटिएको कुरा हालसम्म पुष्टि गरेको छैन । मेयर साहले भनेका छन्–‘स्थानीय र आन्तरिक रूपमा बुझ्दा सीतामढीमा भेटिएकाहरू महोत्तरीबाट हिजो हराएकाहरू रहेको जानकारीमा आएको छ ।’

महोत्तरीको भंगाहा नगरपालिकास्थत धर्मपुराबाट मंगलबार दिउँसो घाँस काट्न गएका सात जना किशोरी तथा बालिका बेपत्ता भएका हुन् । 
घरभन्दा करिब डेढ किलोमिटर पर घाँस काट्न गएका सीमा पासवान (१२ वर्षीया), रञ्जना पासवना (१२), ज्योति पासवान (१३), रिया पासवान (१३), अर्चना पासवान (११), नगीना पासवान (१७) र अस्मिता पासवान (२०) बेपत्ता भएका हुन् ।