घरमा राखिएको एउटा बलमा घाम पर्दा आगलागी, २ करोड ९० लाखको क्षती

एजेन्सी । घरमा राखिएको एउटा क्रिस्टल बलमा घामको किरण पर्दा आगलागी भएको छ जसका कारण घर मालिकलाई २५० हजार डलर (२ करोड ९० लाख रुपैयाँ) को क्षती भएको छ । यो घटना अमेरिकाको विस्कोन्सिनको हो । फायर डिपार्टमेनटका अनुसार घटना गत सोमबारको हो ।

डेल्टोनस्थित एक घरको लिभिङ रुममा काँचको एउटा क्रिस्टल बल राखिएको थियो । झ्यालबाट उक्त बलमा सूर्यको किरण परेको थियो । यसैकारण सबैभन्दा पहिला काउचमा आगो लाग्यो त्यसपछि लिभिङ रुमको अन्य हिस्सामा पनि आगो फैलियो ।

दमकल विभागका अनुसार ठूला झ्यालबाट घामको किरण घरभित्र आइरहेको थियो जुन काँचको बलमा पर्दा आगलागी भयो । फायर डिपार्टमेन्टले काँचको बललले म्यागनिफाइङ ग्लासको रुपमा काम गर्यो ।

साधारणतया घामको किरण ठूलो क्षेत्रफलमा पर्ने गर्छ तर क्रिस्टल बलका कारण घाको किरण एक बिन्दूमा केन्द्रीत भयो जसका कारण आगलागी भयो । यद्यपि, उक्त आगलागीमा  मानवीय क्षती भने भएन ।

अमेरिकाको दमकल विभागले मानिसहरुलाई क्रिस्टल, ऐना, काँचका गहना र बोतललाई सूर्यको किरण पर्ने ठाउँमा नराख्न सल्लाह दिएको छ ।