विजय चालिसेका तीन नयाँ कृति बजारमा

सफल खबर संवाददाता

विहीबार, ०१ माघ २०७७, १७ : ३९
विजय चालिसेका तीन नयाँ कृति बजारमा

काठमाडौँ । वरिष्ठ साहित्यकार तथा पत्रकार विजय चालिसेका तीन नयाँ कृति बजारमा आएका छन् । चालिसेका सर्पदंशित मेरो वर्तमान, परिशीलन र मरूभूमिको फूल नामक अलग अलग तीन कृति बजारमा आएका हुन् ।

Yeti Diistillery Tansen Cement box

सर्पदंशित मेरो वर्तमानमा यसअघि विभिन्न पत्रपत्रिकामा छापिएका चालिसेका २७ वटा उत्कृष्ट निबन्धहरु सङ्ग्रहित छन् । परिशीलन नेपाली साहित्य, भाषा र आमसञ्चारबारे अनुसन्धानात्मक पुस्तक हो जसमा विभिन्न १० शीर्षकमा लेखहरू रहेका छन् । मरूभूमिको फूल भने नियात्रा तथा संस्मरणहरुको सङ्गालो हो । तीनवटै कृतिको प्रकाशक बीएन पुस्तक संसार रहेको छ ।

चालिसे नेपाली साहित्यमा मूलत कथा क्षेत्रका सुपरिचित व्यक्तित्व हुन् । उनले लामो समयदेखि कार्यपत्र र अन्य रचनाका रूपमा भाषा, साहित्य, संस्कृति र सञ्चार विषयका खोजमूलक लेखहरूको  समेत रचना गर्दै आएका छन् । बालसाहित्य, संस्कृति, सञ्चार विषयका गरी उहाँका करीब ६ दर्जन कृति प्रकाशित छन् ।

प्रतिक्रिया दिनुहोस