सुनको मुल्यमा नयाँ रेकर्ड, तोलाको ९४ हजार ५ सय पुग्यो

काठमाडौँ । सुनको मुल्यमा पुनः नयां रेकर्ड कायम भएको छ । बिहीबार सुनको मूल्य ५ सय रुपैंयाले बढेको छ । नेपाल सुनचाँदी व्यवसायी महासंघका अनुसार बिहीबार सुनको मुल्यमा प्रति तोला ५ सयले बढेको हो । योसँगै नेपालमा सुनको मूल्य अहिलेसम्मकै बढी प्रति तोला ९४ हजार ५ सय रूपैयाँ पुगेको छ ।

यसअघि बुधबार सुन प्रति तोला ९४ हजारमा कारोबार भएको थियो । त्यस्तै  तेजावी सुनको मुल्य प्रति तोला ९४ हजार ६५ पुगेको छ । चाँदीको मुल्यमा पनि वृद्धि भएको छ । बुधबार ११३५ प्रतितोला कारोबार भएको चाँदी बिहीबार प्रति तोला १० रुपैयाँले बढेर ११४५ मा कारोबार भइरहेको महासंघले जनाएको छ ।