चितवन । कलाकार एवम् सामाजिक अभियान्ता सीताराम कट्टेल (धुर्मुस)ले अब कहिल्यै नमाग्ने बताएका छन ।
भरतपुरमा पत्रकारहरुसँग उनले क्रिकेट रंगशाला निर्माण सकिएपछि कहिल्यै नमाग्ने बताएका हुन् । आफूहरुले देश विदेशमा रहेका नेपालीहरुको सहयोगमा धेरै आयोजनाहरु सम्पन्न गरेको बताउँदै धुर्मुसले रंगशालापछि कसैसँग केही नमाग्ने बताए । उनले भने ‘हिजो पनि सहयोग मागेरै काम गरियो, रंगशाला पनि जनताकै सहयोगमा निर्माण भइरहेको छ, सँधैभरी मागेर चल्दैन ।’
_20231127105311.gif)
धुर्मुसले रंगशाला निर्माण सम्पन्न भएपछि सामाजिक क्षेत्रमा खर्च गर्ने गरी कोष खडा गरेर अघि बढ्ने योजनामा रहेकाले त्यसपछि माग्नुपर्ने अवस्थाको अन्त्य हुने विश्वास व्यक्त गरे । उनले रंगशाला जनस्तरबाट बन्ने भएकाले यो परियोजना सम्पन्न गर्न भने सवै नेपालीको साथ सहयोग आवश्यक रहेको बताए ।
धुर्मुस चितवनमा निर्माणधीन गौतम बुद्ध अन्तर्राष्ट्रिय क्रिकेट रंगशालाको नेतृत्व गरिरहेको धुर्मुस सुन्तली फाउण्डेसनका अध्यक्ष हुन ।
प्रतिक्रिया दिनुहोस
सम्बन्धित समाचारहरु
जिग्रीको गीतमा धुर्मुस सुन्तलीको अभिनय