‘शेरबहादुर देउवाले अब चुनाव जित्दैनन्’– काँग्रेस महामन्त्री कोईराला

काठमाडौं । काँग्रेस महामन्त्री डा. शशांक कोइरालालाई पार्टी सभापति विरुद्ध नरम नीति अवलम्बन गरेको आरोप संस्थापन इतर समुहले लगाउदै आएका थिए । देउवासँग भित्री मोर्चाबन्दी कायम गरेर शशांकले देउवाविरुद्ध मोर्चा खोल्न नसकेको आरोप लागिरहेको थियो ।

कोइराला, पौडेल पक्षले महामन्त्री शशांकले जति लडनुपर्ने हो, सो अनुसार नलड्ेको आरोप महामन्त्री शशांकलाई लाग्दै आएको थियो । देउवाको साथ लिएर आगामी महाधिवशेनमा आफु पार्टी सभापति बन्ने र देउवाकी श्रीमती आरजु राणालाई महामन्त्री बनाउने गरी भित्री चलखेलमा लागेको आरोप पनि देउवा इतर पक्षका नेताहरुले नै आरोप लगाउदै आएका थिए । तर फेरि आउने महाधिवेशनमै पनि काँग्रेसभित्र बूढा काँग्रेसीहरुले नै नेतृत्वको दाबी गर्ने भएपछि  डा. शशांक कोइराला पनि देउवाविरुद्ध अहिले खुलेर बोल्न थालेका छन् ।

उनले देउवाले काँग्रेसमा सभापति नजित्ने दाबी गरेका छन् । आफु निकटस्थ नेताहरुलाई उनले त्यस्तो बताउने गरेको उनी निकट नेताले वताए । उनले कोइराला परिवार, रामचन्द्र पौडेल, कृष्णप्रसाद सिटौला, अर्जुननरसिंह केसी, डा. रामशरण महत, प्रकाशमान सिंह लगायत नेताहरु एकातिर गठबन्धन गरेर आगामी महाधिवशेनमा जानका लागि तयारी अवस्थामा रहेको र यो अवस्थामा देउवाले जति सुकै गरेपनि सभापति नजित्ने महामन्त्री कोइरालाको तर्क छ । ‘हामी सात–आठजना एकठाउँ भएर अघि बढ्यौं भने शेरबहादुर देउवाले जे गरे पनि चुनाव जित्दैनन् ।  

हामी हाम्रो भविष्य हेरेर एकठाउँ रहनुको विकल्प छैन् ।’ शशांंकले आफुलाई भेट्न पुग्ने काँग्रेस नेताहरुसँग भन्ने गरेका छन्,–‘फेरि पनि शेरबहादुर देउवा नै सभापति हुने हो भने पार्टी नै समाप्त हुन्छ । त्यो कुरा सबै नेताले बुझ्नुप¥यो ।’ सभापतिले पौडेल, कोइराला र सिटौला पक्षले बहिष्कार गर्दा गर्दै पनि केन्द्रीय समतिको बैठकबाट गरेको निर्णय नसच्चाएरसम्म देउवास“ग वार्ता समेत आफुहरुले नगर्ने बताउन थालेका छन् । आउने महाधिवशेनमै देउवास“ग आफुहरुको भेट हुने भन्दै उनले देउवाले खुसुक्क बोलाउदैमा सभापति देउवालाई भेट्न नजाने बताए ।