विभिन्न स्थानमा ५ जना मृत अवस्थामा फेला

काठमाडौं । काठमाडौं, दार्चुला, सिन्धुली, पर्सा र काभ्रेका विभिन्न स्थानमा ५ जना मृत अवस्थामा फेला परेका छन् । 
काठमाडौं टोखा नगरपालिका–१० सामाखुसीस्थित प्रतीक्षालयमा हाल नाम, थर, वतन नखुलेका करिब ५० वर्षीय पुरुष शनिबार मृत अवस्थामा फेला परेका हुन् ।

त्यस्तै दार्चुला शैलेशिखर नगरपालिका–६ पनिवाज बस्ने ४५ वर्षीय दानसिंह धामी सोही ठाउँस्थित साटी पातली जंगलमा शुक्रबार मृत अवस्थामा फेला परेका हुन् । 

सिन्धुली सुनकोशी गाउँपालिका–४ लखनपुर बस्ने ५० वर्षीया अनुमाया रानामगर सोही ठाउँस्थित पाखोमा शुक्रबार मृत अवस्थामा फेला परेकी हुन् ।

पर्सा वीरगंज महानगरपालिका–१३ राधेमाईस्थित कल्भर्टमुनी सोही ठाउँ बस्ने ६० वर्षीय बिगा चौधरी शनिबार मृत अवस्थामा फेला परेका हुन् ।

काभ्रे भुम्लु गाउँपालिका–८ सुनकोशीको बगरमा हाल नाम, थर, वतन नखुलेका करिब ३५ वर्षीय पुरुषको शुक्रबार शव फेला परेको हो । 
घटनाका सम्बन्धमा थप अनुसन्धान भइरहेको  प्रहरीले प्रहरीले जनाएको छ ।