गोकर्णमणि दुवाडीलाई गृह सचिवको जिम्मेवारी

​​काठमाडौ । सरकारले गृह सचिवमा गोकर्णमणि दुवाडीलाई सरुवा गरेको छ ।

राष्ट्रिय तथ्यांक कार्यालयमा प्रमुख तथ्यांक अधिकारीको रुपमा रहेका दुवाडीलाई बिहीबार साँझ बसेको मन्त्रिपरषद्को बैठकले गृहमा सरुवा गरेको हो ।

यसअघि गृहमा जाने चर्चा प्रधानमन्त्री कार्यालयका सचिव कृष्णहरि पुष्कर, राष्ट्रपति कार्यालयका सचिव नारायण शर्मा दुवाडी र सचिव विनोद प्रकाश सिंहको चर्चा थियो ।

मन्त्रिपरिषद्को बैठकमा गोकर्णमणी दुवाडीलाई नै पठाउन गृहमन्त्री रमेश लेखकको इच्छा देखिएपछि उनलाई सरुवा गरेको स्रोतले बतायो ।

निर्वाचन आयोगमा समेत सचिवको रूपमा काम गरेका दुवाडीसँग मधेश प्रदेशको प्रमुख सचिवको रूपमा समेत काम गरेको अनुभव छ ।

उनी सहसचिव हुँदा सिन्धुपाल्चोकको प्रमुख जिल्ला अधिकारीका रूपमा काम गरेका थिए ।