अफगानिस्तानद्वारा बंगलादेशलाई १ सय १६ रनको लक्ष्य

एजेन्सी ।  टी-२० विश्वकपअन्तर्गत सुपर आठको अन्तिमा खलमा अफगानिस्तानले बंगलादेशलाई जितका लागि १ सय १६ रनको सामान्य लक्ष्य प्रस्तुत गरेको छ। बंगलादेशलाई हराए सेमिफाइनल पुग्ने सम्भावनाबीच अफगानिस्तान निर्धारित २० ओभरमा ५ विकेट गुमाएर १ सय १५ रन मात्र बनाउन सक्यो।

टस जितेर पहिले ब्याटिङमा उत्रिएको अफगानिस्तानका लागि ओपनर रमनुल्लाह गुरवाजले ४३ रन बनाउँदा इब्राहिम जाद्रानले १८ रन बनाए। त्यस्तै, अज्मतुल्लाह ओमरजाइले १० रन बनाए। बंगलादेशका लागि रिसहद होसेइनले ३ विकेट लिँदा मुस्ताफिजुर रहमान र तस्किन अहमदले समान १-१ विकेट लिए।

आजको खेलमा बंगलादेशले अफगानिस्तानलाई पराजित गरेमा अस्ट्रेलिया सेमिफाइनलमा पुग्ने छ। तर अफगानिस्तानले बंगलादेशलाई हराएमा भने अफगानिस्तान उपविजेताका रूपमा सेमिफाइनलमा प्रवेश गर्ने छ।

अफगानिस्तानको इनिङ सकिनासाथ वर्षा सुरु भएकाले अहिले खेल रोकिएको छ। वर्षाले खेल रद्द भएर अंक बाँडनु परेमा पनि अफगानिस्तान सेमिफाइनल प्रवेश गर्ने छ।