काठमाडौँ। कुमारी बैंक लिमिटेडले रिकरिङ्ग निक्षेप क्याल्कुलेटरको सेवा शुरूवात गरेको छ ।विगत २५ वर्षदेखि बैंकिङ्ग समाधानहरू प्रदान गर्दै आएको बैंकले आफ्नो नवीनतम डिजिटल उपकरण वेबसाइटमा उपलब्ध भएको जानकारी दिएको छ ।
बैंकका अनुसार ‘ग्लोबल मनी वीक’को १२ औं संस्करणको अवसरमा सेवाको शुभारम्भ गरिएको हो ।‘ग्लोबल मनी वीक’ एक विश्वव्यापी वार्षिक चेतना जगाउने अभियान हो ।
जसले युवाहरूलाई सानै उमेरदेखि आर्थिक रूपमा सचेत गराउने र वित्तीय चुनौतीहरूको पहिचान र सो समाधानका उपायहरू सिकाउने गर्दछ । कुमारी बैंक लिमिटेड पनि यस अभियानमा जोडिएको छ ।
प्रयोगकर्ता अनुकूल रहेको क्याल्कुलेटरले ग्राहकहरूलाई निश्चित रिकरिङ्ग निक्षेप लगानीबाट सम्भावित प्रतिफल अनुमान गर्न र वित्तीय योजनामा अझ बढी स्पष्टताको साथ सशक्त बनाउन सहयोग गर्ने बैंकको विश्वास छ ।
बैंकका अनुसार यस क्याल्कुलेटरले उन्नत एल्गोरिदमहरू प्रयोग गर्दछ । जसको प्रयोगबाट बचतकर्ताले निक्षेपको समयावधि र रकम मात्र राखेर यसबाट निश्चित भविष्यमा जम्मा हुन सक्ने बचत, सो बचतबाट आउन सक्ने प्रतिफल र समग्र बचत वृद्धिका सम्भावनाहरू अनुमान गर्न सक्नेछन् ।
प्रतिक्रिया दिनुहोस
सफल खबर संवाददाता
मंगलबार, ०६ चैत्र २०८०, ११ : ५४
लेखकबाट थप
सम्बन्धित समाचारहरु
कुमारी बैंकले भुक्तानी गर्यो १० लाख रुपैयाँको बीमा रकम
२३ औं वार्षिकोत्सवको अवसरमा कुमारी बैंकले गर्यो रक्तदान कार्यक्रम
कुमारी बैंकद्वारा जुम्लामा शाखा सञ्चालन
कुमारी बैंकले ल्यायो ‘तिहार र छठ पर्वमा क्यासब्याक अफर’ योजना