माओवादीमा आन्तरिक निर्वाचनको माग

काठमाडौ । नेपाल कम्युनिस्ट पार्टी (माओवादी केन्द्र) को स्थायी समिति बैठकमा पार्टीमा आन्तरिक निर्वाचनको आवाज  उठेको  छ  । 

पार्टी  केन्द्रीय  कार्यालय  पेरिसडाँडामा शनिबार बसेको स्थायी समिति बैठकमा बोल्ने  नेताहरूले  पार्टीभित्र  आन्तरिक  लोकतन्त्र  सुनिश्चित  गरेर  युवालाई  आकर्षित  गर्नुपर्ने  प्रस्ताव  गरेका हुन् । माओवादीका सबैजसो कमिटीमा नेतृत्व चयन सर्वसम्मत  बनाउने  प्रयास  गर्दा  पार्टी  चलायमान  नभएको भन्दै पार्टीभित्र निर्वाचन हुनुपर्ने माग नेताहरूले गरेको  पार्टी  सचिव  देवेन्द्र  पौडेलले  बताए । 

“स्थायी समितिका सबै नेताले बोल्नुभयो । विधान नयाँ बनाउनु पर्छ । केन्द्रीय समितिबाट सुझाव लिएर विधान अधिवेशनमा छलफल गरी निर्णय गर्नु पर्छ भन्ने सुझाव आएका छन्,” उनले भने, “पुरानै ढर्राबाट पार्टी र आन्दोलन अगाडि बढ्न सक्दैन । यसलाई परिवर्तन गर्नु जरुरी छ । नयाँ पुस्तालाई पार्टीमा आकर्षित गर्न आन्तरिक निर्वाचन गर्न दिनु पर्छ ।” गोरखापत्रमा खबर छ ।