मकवानपुर । मानिसलाई आक्रमण गरि ज्यान लिने नरभक्षी बाघलाई नियन्त्रणमा लिएर चितवन पठाइएको छ । नेपाली सेना र राष्ट्रिय निकुञ्जको टोलीले मकवानपुरबाट नरभक्षी बाघलाई नियन्त्रणमा लिएको हो। गत शुक्रबार चितवनका हरिप्रसाद पौडेललाई आक्रमण गरि ज्यान लिने नरभक्षी बाघलाई मकवानपुरबाट नियन्त्रणमा लिएको हो ।
चितवन राष्ट्रिय निकुञ्ज र पर्सा राष्ट्रिय निकुञ्जको मध्यवर्ती क्षेत्रमा नरभक्षी बाघ खोज्दै गएको नेपाली सेना र निकुञ्जका अधिकारीको टोलीले आइतबार राती ९ः४० बजे बाघलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
नियन्त्रणमा लिइएको बाघलाई वन्यजन्तु केन्द्र चितवन पठाइएको मकवानपुर प्रहरी प्रवक्ता एवम् प्रहरी नायव उपरीक्षक लक्ष्मी भण्डारीले जानकारी दिए । उनका अनुसार सेना र चितवन राष्ट्रिय निकुञ्ज अन्तर्गत सुनाचुरी रेञ्ज पोष्टबाट ४ वटा हात्ती प्रयोग गरी नरभक्षी बाघको खोजी गरिएको थियो ।
उक्त बाघले गएको शुक्रबार मकवानपुरको मनहरी गाउँपालिका वडा नम्बर ६ खयर घारी गाउँदेखि अन्दाजी २ किलोमिटर दक्षिण तर्फ रहेको राप्ति र लोथर खोलाको मध्यवर्ति क्षेत्र अन्तरगत दोभानमा चितवनको राप्ती नगरपालिका–१, दुबीचौरका ४३ वर्षीय हरिप्रसाद पौडेललाई आक्रमण गरी ज्यान लिएको थियो ।
बाघ खोज्दै जाने क्रममा उक्त स्थानबाट पहिचान खुल्न नसकेको एकजना पुरुषको शव फेला परेको छ । चितवनका पौडेललाई आक्रमण गर्ने उक्त नरभक्षी बाघ खोज्दै जाने क्रममा आइतबार साँझ ५ बजेको समयमा मनहरी गाउँपालिका–६ राप्तीखोला र लोथरखोलाको दोभानमै एकजना पुरुषको शव फेला परेको प्रहरी प्रवक्ता भण्डारीले बताए ।
उक्त शवको शरीरको कम्मरभन्दा माथिको भागमा अस्थीपञ्जर मात्रै भएकोले बाघकै आक्रमणबाट मृत्यु भएको हुन सक्ने अनुमान गरिएको छ ।
प्रतिक्रिया दिनुहोस
सफल खबर संवाददाता
सोमबार, ११ मंसिर २०८०, ०८ : २२
लेखकबाट थप
सम्बन्धित समाचारहरु
घाइते बाघ देखिएपछि सामुदायिक वनमा प्रवेश निषेध
शुक्लाफाँटामा बाघ बढे
बाघको आक्रमणबाट एक बालिका घाइते
पर्साको ग्रामीण भेगमा आतङ्क मचाउने बाघ नियन्त्रणमा
देशभरका खोरमा १९ समस्याग्रस्त बाघ, ‘टाइगर जु’ बनाउन विज्ञको सुझाव
मोटरसाइकलबाटै बाघले लछारेपछि …