पाटे बाघ मृत फेला

काठमाडौ । बाँकेमा बाघ मृतावस्थामा भेटिएको छ ।

बाँकेको राप्तीसोनारी गाउँपालिका–२ मदुईको कचनापुरस्थित अशोक सामुदायिक वनमा मंगलबार साँझ ७ बजेतिर वयस्क पाटे बाघ मृतावस्थामा भेटिएको डिभिजन वन कार्यालय बाँकेका निमित्त वन अधिकृत गणेश खड्काले जानकारी दिए । 

खड्काले मृतावस्थामा भेटिएको बाघ सो क्षेत्रमा केही दिनअघिदेखि नै देखिएको थियो । बाघले स्थानीयवासीले पालेको पशुचौपायालाई समेत क्षति पुर्‍याएको खड्काले बताए ।   

गाउँमा पसेर पशुचौपायालाई आक्रमण गरेको खबर थाहा पाएपछि बाघबाट जोगिन बाँके राष्ट्रिय निकुञ्ज र डिभिजन वन कार्यालय बाँकेले स्थानीयवासीलाई सजग रहन आग्रह गरेको थियो ।

बाघलाई कसैले मारेको हो या आफैँ कालगतिले मरेको भन्ने विषय  परीक्षण रिपोर्टले बताउने उनले बताए । पाटे बाघको परीक्षण आज गरिनेछ ।