पोखरा विमान दुर्घटना : सेती नदीबाट एक जनाको शव निकालियो, बाँकी ३ जनाको अवस्था अज्ञात

काठमाडौं । पोखराको सेती खोँचमा यति एयरलाइन्सको जहाज दुर्घटना भएपछि बेपत्ता भएका एक जनाको शव फेला परेको छ। सोमबार अपरान्ह ३ बजे सशस्त्र प्रहरी बलको गोताखोरले सेती नदीबाट एक जनाको शव निकालेको हो ।

पानीबाट निकालिएको उक्त शवलाई गण्डकी अस्पताल लगिने भएको छ । दुर्घटनामा परेका ३ जनाको अवस्था अझैँ अज्ञात छ । सशस्त्र प्रहरी बलका गोताखोरले अज्ञातहरुको खोजी गरिरहेको छ ।

बाँकी तीन जना बेपत्ताको खोजीका लागि सेना, सशस्त्र प्रहरी र नेपाल प्रहरीको टोली खटिएको छ। आइतबार बिहान १०ः ३२ बजे काठमाडौंबाट उडेको यति एयरको जहाज पोखरामा दुर्घटना भएको थियो ।

जहाज दुर्घटनामा ४ जना चालक दल र ६८ यात्रु सवार थिए। हालसम्म ६९ जनाको शव फेला परेको छ ।