कस्तो रहला आज दिनभरको मौसम ?

काठमाडौं । हाल देशमा उल्लेखनीय मौसमी प्रणाली नरहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आइतबार बिहानैदेखि पहाडी भूभागका एक दुई स्थानमा आंशिक बदली रहेको छ । तर, अन्य भूभागमा मौसम सामान्यतया सफा रहेको छ ।  

यसैगरी दिउँसो पनि प्रदेश १ र गण्डकी प्रदेशका पहाडी  भूभागमा आंशिक बदली तथा बाँकी  भूभागमा मौसम सामान्यतया सफा रहने सम्भावना रहेको महाशाखाको पूर्वानुमान छ । । 

राति भने बागमती प्रदेश, मधेश प्रदेश लगायत लुम्बिनी प्रदेश, गण्डकी प्रदेश र प्रदेश १ का पहाडी भूभागका थोरै स्थानहरुमा आंशिक बदली तथा बाँकी  भूभागमा मौसम सामान्यतया सफा रहनेछ।