कस्तो रहला आज दिनभरको मौसम ?

काठमाडौं । हाल देशमा उल्लेखनीय मौसमी प्रणाली नरहेको जल तथा मौसम पूर्वानुमान महशाखाले जनाएको छ । महाशाखाको नियमित बुलेटिनअनुसार मंगलबार बिहान पहाडी भूभागका केही स्थानहरुमा आंशिक बदली तथा अन्य भूभागमा मौसम सामान्यतया सफा रहेको छ। 

यस्तै दिउँसो प्रदेश नं १ तथा गण्डकी प्रदेशका पहाडी  भूभागमा आंशिक बदली तथा बाँकी  भूभागमा मौसम सामान्यतया सफा रहनेछ।
यस्तै राति सुदूरपश्चिम प्रदेश र कर्णाली प्रदेश लगायत अन्य प्रदेशका पहाडी  भूभागमा आंशिक बदली तथा बाँकी  भूभागमा मौसम सामान्यतया सफा रहने महाशाखाले जनाएको छ ।