दार्चुला । यहाँको व्यास गाउँपालिका— २ तम्बाकुमा भारतीय ढुंगा लागेर एक बालकको मृत्यु भएको छ ।भारतको लखिमपुरस्थित लिपुलेक जाने रोड बनाउन चट्टानमा विस्फोट गराउँदा उक्त घटना भएको हो । पहरा फुटाउनका लागि गरिएको सो विस्फोटनका क्रममा भारतीय ढुंगा उछिट्टिएर आई नेपालतर्फ बालकको मृत्यु भएको हो ।
मृत्यु हुनेमा व्यास गाउँपालिका वडा नम्बर २, दुम्लिङका ९ वर्षीय पवन महरा रहेको जनाइएको छ । उक्त वडाका वडाध्यक्ष धिरनसिँह बुढाथोकीका अनुसार ती बालक शुक्रबार बिहान ९—१० बजेतिर महाकालीवारि किनारमा थि भन्ने ठाउँबाट कल्जुतर्फ आइरहेका थिए । उता महाकालीपारि भारतीय विस्फोटन गराउँदा बालकमाथि ढुंगा लागेको उनको भनाइ छ ।
सीमा क्षेत्रमा भारतले बिनासूचना विस्फोट गराउँदा उक्त घटना हुन पुगेको देखिन्छ । ज्यान गुमाएका बालक उनी दुम्लिङस्थित सर्वहित आधारभूत विद्यालयमा कक्षा ३ मा अध्ययनरत रहेको वडाध्यक्ष बुढाथोकीले बताए । उनी आफ्ना बुवा हिक्मत महराका साथमा घरतर्फ आइरहेका थिए । साथमा हिक्मतकी १४ वर्षीया छोरी सरिना पनि थिइन् । ढुंगा लागेर सरिना घाइते भएकी छिन् ।
तर विनासूचना भारततर्फ गर्ग एण्ड गर्ग कम्पनीले चट्टानी पहरो फुटाउन विस्फोट गराएपछि उनीहरु त्यसको सिकार हुन पुगे । उक्त कम्पनीले भारतको पिथौरागढ जिल्लाको धारचुलाअन्तर्गत तवाघाट–लिपुलेक सडक खण्डको लखनपुर क्षेत्रमा सडकको काम गरिरहेको थियो ।
घटनालगत्तै जिल्ला प्रहरी कार्यालय दार्चुलाबाट प्रहरी निरीक्षक राजेश शाहीको नेतृत्वमा टोली खटिएर अनुसन्धान गरिएको थियो ।
प्रतिक्रिया दिनुहोस
सफल खबर संवाददाता
शनिबार, १२ कार्तिक २०७९, ११ : ५७
लेखकबाट थप
सम्बन्धित समाचारहरु
नदीमा डुबेर कैलालीका दुई बालकको मृत्यु
खोलामा डुबेर तनहुँमा बालकको मृत्यु
नदिमा डुबेर अत्तरीयामा एक बालकको मृत्यु
स्विमिङ पुलमा डुबेर पोखरामा बालकको मृत्यु
गोरखाको रानीपोखरीमा डुबेर एक बालकको मृत्यु
दाङमा खोलामा डुबेर बालकको मृत्यु