चितवन । नारायणगढको क्याम्पा चौरमा जारी इसुजु चितवन गोल्डकप अन्तर्राष्ट्रिय आमन्त्रण फुटबलमा आज (आइतबार) एक खेल हुँदैछ । गोल्डकपमा आज मकवानपुर ११ र नव जन जागृति युवा क्लब सिमरा भिड्नेछन् । खेल दिउँसो ४ बजे सुरु हुनेछ । मकवानपुर ११ र नव जन जागृति सिमरा मोफसलका उत्कृष्ट टिम हुन् ।
यस अघि शनिबारको उदघाटन खेलमा आयोजक केबिए भरतपुर फुटबल क्लब विजयी भएको थियो । गोलको वर्षा भएको खेलमा बिएफसीले भारतको मोतिहारी एफसीलाई ९(० ले पाखा लगाएको थियो ।
१० टोली सहभागी गोल्डकप विजेताले सात लाख रुपैयाँ प्राप्त गर्नेछ भने उपविजेताले तीन लाख ५० हजार प्राप्त गर्नेछ । गोल्डकपको फाइनल असोज ३ गते हुनेछ ।
प्रतिक्रिया दिनुहोस
सफल खबर संवाददाता
आइतबार, २६ भदौ २०७९, ११ : ३२
लेखकबाट थप