काठमाडौं । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले सामाजिक सुरक्षा कोषप्रति आकर्षण र विश्वसनियता बढेको बताएका छन् ।
अन्तर्राष्ट्रिय ट्रेड युनियन महासंघ नेपाल आवद्ध परिषद्द्वारा आज आयोजित ‘सामाजिक सुरक्षाको वर्तमान अवस्था आगामी कार्यदिशा’ बिषयक अन्तरक्रिया कार्यक्रममा मन्त्री श्रेष्ठले कोषमा आवद्ध भएकाहरुका आश्रित परिवारले पेन्सन पाउन थालेपछि यसप्रति आकर्षण र विश्वसनियता पनि बढेको बताएका हुन् ।
सामाजिक सुरक्षा कार्यक्रमहरु कार्यन्वयन गर्न यस्तै प्रकृतिका अन्य निकाय समेत हुँदा कतिपयलाई अन्योल रहेको बताउँदै मन्त्री श्रेष्ठले कोषले प्रदान गर्ने सुविधाहरु अन्यत्रबाट प्राप्त गर्न कठिन रहेको बताए । श्रेष्ठले सामाजिक सुरक्षा कोषबाट औषधोपचार, स्वास्थ्य तथा मातृत्व सुरक्षा योजना, दुर्घटना तथा असक्त सुरक्षा योजना, आश्रित परिवारको सुरक्षा र बृद्धावस्था सुरक्षा सुविधाहरु उपभोग भइरहेको बताए । साथै उनले कोषका क्षेत्रहरू बृहत् र विस्तार हुँदै जाँदा सवै क्षेत्रका श्रमिकहरु आबद्ध हुँदै जाने विश्वास व्यक्त गरे ।
आगामी दिनमा यसबाट प्रदान गरिने सुविधाहरु वृद्धि हुँदै जाने विश्वास दिलाउँदै उनले सामाजिक सुरक्षाका मुल्य मान्यता एवं सिद्धान्त, अन्तर्राष्ट्रिय अनुभव र अभ्यास एवं मुलुकको आर्थिक एवं सामाजिक परिवेशलाई दृष्टिगत गरी यसलाई थप प्रभावकारी बनाउने प्रतिवद्धता जनाए ।
प्रतिक्रिया दिनुहोस
सफल खबर संवाददाता
शनिबार, ०३ पुस २०७८, २० : ०१
लेखकबाट थप
सम्बन्धित समाचारहरु
सामाजिक सुरक्षा कोषमा कति छ पैसा ?
सामाजिक सुरक्षा कोषमा मधेश प्रदेशका ४७ स्थानीय तह आवद्ध
सामाजिक सुरक्षा कोषले एकैपटक गर्यो ३२ स्थानीय तहसँग सम्झौता
सामाजिक सुरक्षा कोषमा आबद्ध भयो ऐरावती
सामाजिक सुरक्षा कार्यक्रम लागू गर्न तहगत जिम्मेवारी
सामाजिक सुरक्षा कोषले माग्यो उपनिर्देशकदेखि कम्प्युटर अपरेटरसम्म