हेटौँडा र चितवनलाई जोडेर केन्द्रीय राजधानी बनाउनुपर्छ : मुख्यमन्त्री शाक्य

चितवन । बागमती प्रदेशको मुख्यमन्त्री अष्टलक्ष्मी शाक्यले हेटौँडा र चितवनलाई जोडेर केन्द्रीय राजधानी बनाउनुपर्ने बताएकी छन् । काठमाडौं १३ वटा जिल्लाको बिचमा रहेकाले काठमाडौंलाई प्रदेशको राजधानी बनाएर चितवन र हेटौँडालाई देशको राजधानी बनाउनु पर्नेमा उनले जोड दिइन् ।

जिल्ला समन्वय समिति चितवनको ५औँ जिल्ला सभालाई सम्बोधन गर्दै उनले देशको  पुर्व पश्चिमको भुवनोटलाई आधार मान्दा चितवन र हेटौँडा देशकै मध्य भागमा पर्ने भएकोले  यहि भुगोललाई केन्द्रीय राजधानी बनाउन आफुले छलफल समेत चलाई सकेको दाबी गरिन् ।  

काठमाडौ अव्यवस्थित सहर भएको र यसलाई अव सुन्दर र नमुना सहरका रुपमा विकास गर्न चुनौती हुने भन्दै शाक्यले अव हेटौँडा र चितवनको भुगोललाई समेटेर नयाँ शहर र राजधानी विकास गर्न सकिने बताइन् । यसो गर्दा  पुर्व तथा पश्चिमका नागरिकका लागि सहज पहुँच हुने उनको दाबी थियो ।