भरतपुरमा गाडीको ठक्करबाट एकजना पैदलयात्रीको मृत्यु

चितवन । यात्रुवाहक बसले ठक्कर दिँदा भरतपुरमा एक जनाको मृत्यु भएको छ । आज बिहान भरतपुर महानगरपालिका १० बाइपास  रोडमा बसको ठक्करबाट भरतपुर १२ कस्तुरी टोलका  ७६ वर्षीय बसन्त बहादुर लिम्बुको मृत्यु भएको हो ।

बिस्कुट लोड गरी बिराटनगरबाट काठमाडौँ जादैँ गरेको ना ६ ख ४९२३ नम्बरको  गाडीले ठक्कर दिँदा गम्भीर घाइते भएका लिम्बुको उपचारको क्रममा भरतपुर अस्पतालमा मृत्यु भएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए ।

दुर्घटनापछि फरार चालकलाई प्रहरीले केन्द्रीय टर्मिनल बसपार्कबाट सवारीसाधनसहित नियन्त्रणमा लिएको छ ।