कटुवा पेस्तोलसहित एकजना पक्राउ

सिरहा । जिल्लामा प्रहरीले कटुवा पेस्तोलसहित एकजनालाई पक्राउ गरेको छ । सिराहाको महेशपुर पतारबाट खटिएको प्रहरीले आइतबार बिहान एक जनालाई पक्राउ गरेको हो । जिल्ला प्रहरी कार्यालय सिराहाका अनुसार कटुवा पेस्तोल र त्यसमा लाग्ने एक गोलीसहित गणेशकुमार सिंहलाई पक्राउ गरेको हो । 

जिल्लाको सुखीपुर नगरपालिका– ७ बलहीस्थित सिंहको घर खानतलासी गर्दा पेस्तोल र गोली बरामद भएको प्रहरीले जनाएको छ ।  सिंहलाई महेशपुर पतार प्रहरी हिरासतमा राखेर थप अनुसन्धान भैरहेको जिल्ला प्रहरी सिरहाका प्रहरी प्रवक्ता डिएसपी शालिग्राम शर्मा पौडेलले जानकारी दिए ।