काठमाडौं । प्रदेश न १ मा पछिल्लो २४ घण्टामा १६६ जना कोरोना सङ्क्रमित थपिएका छन् । ती मध्ये ५७ महिला र १०९ पुरुष रहेका छन् । थपिएका सङ्क्रमितमा मोरङमा १००, सुनसरीमा ५६, झापामा आठ र उदयपुरमा दुई जना रहेका सामाजिक विकास मन्त्रालयले जनाएको छ । विराटनगरमा सो अवधिमा ५८ जना सङ्क्रमित थपिएका छन् । ती मध्ये २५ महिला र ३३ जना पुरुष रहेका छन् ।
प्रदेशमा कोरोना सङ्क्रमितको सङ्ख्या पाँच हजार ४३७ जना पुगेको छ । होमआईसोलेशन १२७, कोभिड– १९ आईसोलेशन अस्पताल, सुन्दरहरैचा ३३, धाइजन आईसोलेशन अस्पताल १३, जिल्ला अस्पताल संखुवासभा १०, मेची अस्पताल झापा चार, वीपी कोइराला स्वास्थ्य विज्ञान प्रतिष्ठान धरान तीन , वि।जेनरल अस्पताल हरिनगर र मारवाडी सेवा सदन आईसोेलेशन विराटनगरबाट एकएक जना गरी १९२ जना आज डिस्चार्ज भएका छन् ।
हालसम्ममा यसप्रदेशमा कोरोनाबाट मुक्त हुनेको सङ्ख्या दुई हजार ४३२ पुगेको छ भने पछिल्लो २४ घण्टाको अवधिमा ६६९ जना सहित एक लाख १३ हजार ८८९ जनाको पिसीआर परीक्षण भइसकेको मन्त्रालयले जनाएको छ ।
गण्डकी-गण्डकी प्रदेशमा ३० जना कोरोना सङ्क्रमित थपिएका छन् । प्रदेशमा कोरोना सङ्क्रमितको सङ्ख्या तीन हजार ३२१ पुगेको प्रदेश स्वास्थ्य निर्देशनालयका निर्देशक एवम् गण्डकी प्रदेश कोरोना रोकथाम तथा नियन्त्रण कार्यक्रमका निर्देशक डा। विनोद विन्दु शर्माले जानकारी दिनुभयो ।
थपिएका मध्ये नवलपरासी ९बर्दाघाट सुस्ता पूर्व०का २६ , तनहुँ र कास्कीका दुई÷दुई जना रहेका निर्देशनालयले जनाएको छ । पछिल्लो २४ घण्टामा ८२७ जनाको पिसीआर परीक्षण गरिएकोमा १०२ जनामा कोरोना पुष्टि भएको छ । यस अवधिमा ४० जना कोरोना निको भएका छन् भने १४ जनामा पुनः पोजेटिभ देखिएको छ ।
सुदूरपश्चिम -प्रदेशमा आज कोभिड—१९का थप १५ जना सक्रिय सङ्क्रमित थपिएपछि कूल सक्रिय सङ्क्रमित ८१७ जना पुगेका छन् । प्रदेशमा पछिल्लो चार दिन यता कोभिड—१९का सक्रिय सङ्क्रमित बढ्दै गएका छन् ।
प्रदेशको कैलालीमा सबै भन्दा बढी ४३० जना सक्रिय सङ्क्रमित पुगेका छन् । सामाजिक विकास मन्त्रालयका अनुसार प्रदेशमा पछिल्लो २४घण्टामा कैलाली,अछाम,डोटी,बैतडी र बझाङ जिल्लाका गरी थप २५जना सङ्क्रमित भएको पुष्टि भएको छ । यो सँगै कूल सङ्क्रमित भने छ हजार ५५३जना पुगेका छन् । पछिल्ला दिनमा रोगको रोकथाम उपचार व्यवस्थापन लगाएतका काममा अग्रपंतिमा खटिने स्वास्थ्यकर्मी,सुरक्षाकर्मी, कर्मचारी समेत सङ्क्रमित हुन थालेका छन् ।
सेती प्रादेशिक अस्पताल धनगढी,डोटी र डडेलधुरा अस्पतालका प्रयोगशालामा कोभिड—१९का शङ्कास्पद नमूनाको परीक्षण भइरहेको छ । बैतडी जिल्ला अस्पतालमा समेत बिहीबारवाट प्रयोगशाला सञ्चालनमा आएको छ । हाल सम्म कोरोना सङ्क्रमणवाट कारण कैलालीका सात,बझाङ र बाजुराका दुई÷दुई र अछाममा एक जना समेत १२ जनाको मृत्यु भएको छ । कोरोना पोजेटिभ निको भई आजसम्म पाँच हजार ७२४जना निको भएका छन् ।
प्रतिक्रिया दिनुहोस
रासस
शुक्रबार, ०२ असोज २०७७, २१ : ३९
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै