Safal Khabar - चीनको ग्यास उद्योगमा विस्फोट, दश जनाको मृत्यु, १९ घाइते, पाँच बेपत्ता
बुधबार, १५ माघ २०७६ (Wednesday, 29 January, 2020)
चीनको ग्यास उद्योगमा विस्फोट, दश जनाको मृत्यु, १९ घाइते, पाँच बेपत्ता
शनिबार, ०४ साउन २०७६, १६ : ५८
चीनको ग्यास उद्योगमा विस्फोट, दश जनाको मृत्यु, १९ घाइते, पाँच बेपत्ता
सांकेतिक तस्विर

झेन्झाउ  । चीनको एउटा ग्यास उद्योगमा शुक्रबार बेलुका भएको विस्फोटनमा परी मृत्यु हुनेको संख्या १० पुगेको छ । 
घटनामा परी अरु १९ जना घाइते भएका छन् भने पाँच जना सम्पर्कबिहीन रहेको स्थानीय अधिकारीहरुले जनाएका छन् । 
हेनान प्रान्तस्थित ग्यास उद्योगमा स्थानीय समय अनुसार शुक्रबार बेलुका ५.४५ मा विस्फोट भएको हो । 
इमा शहरमा अवस्थित हेनान कोल ग्यास कम्पनी लिमिटेडको ग्यास उद्योगमा विस्फोट भएको  स्थानीय प्रशासनले जनाएको छ ।
घाइतेहरुको स्थानीय अस्पतालमा उपचार भइरहेको र सम्पर्कविहीन भएकाहरुको खोजी भइरहेको अधिकारीहरुले जनाएका छन् ।  (रासस/सिन्ह्वा)

प्रतिक्रिया दिनुहोस