काठमाडौं । लिपुलेक हुँदै सीमापार व्यापार गर्ने भारत–चीनको सहमतिको विरोध गर्दै संयुक्त विद्यार्थी संगठनले काठमाडौंस्थित भारतीय दूतावास अगाडि विरोध प्रदर्शन गरेका छन् ।
लिपुलेक नेपालको सार्वभौम भू–भाग भएकाले भारत–चीनबीच सो क्षेत्रमा व्यापारिक नाका खोल्ने निर्णय विरुद्ध संयुक्त विद्यार्थी संगठनले शनिबार दुतावास अगाडी प्रदर्शन गरेका हुन् ।
नेपाली भूमिमा हुने यस्ता सम्झौता र हस्ताक्षरहरूले नेपालको राष्ट्रियता, भौगोलिक अखण्डता र सार्वभौमिकतालाई गम्भीर रूपमा चुनौती दिएको भन्दै भारतीय दुतावास बाहिर प्रदर्शन गरिएको उनीहरुले जनाएका छन् ।
यस बिषयमा सरकारलाई पनि स्पष्ट धारणा सार्वजनिक गर्न, आवश्यक कूटनीतिक पहल गर्न र राष्ट्रियता संरक्षणमा दृढ कदम चाल्न आह्वान समेत गरिएको अखिल छैठौंका अध्यक्ष सुवास जिसिले बताए ।
प्रदर्शनमा सहभागीहरुले राष्ट्रिय स्वाधिनताका रक्षा गरौैं, गो व्याक इन्डिया लगायतका नारा लगाएका थिए ।
प्रतिक्रिया दिनुहोस
सफल खबर संवाददाता
शनिबार, ०७ भदौ २०८२, १५ : २७
लेखकबाट थप
सम्बन्धित समाचारहरु
शिक्षाध्यक्षको कार्यकक्ष अगाडि धर्ना बसेका संयुक्त विद्यार्थी संगठनसँग ९ बुँदे सहमति