उपसभामुख रानालाई हटाउन आचरणविरुद्धको प्रस्ताव आज संसदमा दर्ता हुँदै

काठमाडौँ। सत्तामा रहेका एमाले र काँग्रेसले मंगलबार दिउँसो १ बजे उपसभामुख इन्दिरा राना मगरविरुद्ध प्रस्ताव संसदमा दर्ता गर्ने भएका छन्। सोही प्रस्तावमा समर्थन जुटाउन एमाले र काँग्रेसले आफ्ना सांसदहरूलाई अहिले सिंहदरवारमा बोलाएका छन्।

दुवै पार्टीका संसदीय दलको कार्यालयबाट फोनमार्फत सांसदहरूलाई आज बिहान १०:३० बजे सिंहदरबार आइपुग्न भनिएको थियो। सोमबार कांग्रेस संसदीय दलमा कांग्रेस र एमालेका प्रमुख सचेतकहरूबीच उपसभामुख मगरलाई हटाउने विषयमा कुराकानीसमेत भएको बुझिएको छ।

उनीहरूले दुई तिहाइ पुर्‍याएर उपसभामुखलाई पदबाट हटाउने तयारी गरेका हुन्।