काठमाडौँ । जनता समाजवादी पार्टी (जसपा)ले बालकुमारी घटनाप्रति दुःख व्यक्त गरेको छ । रोजगार अनुमति प्रणाली (ईपीएस) परीक्षामा आवेदन दिन पाउनुपर्ने माग गर्दै शुक्रबार ललितपुरको बालकुमारीमा भएको प्रदर्शनमा प्रहरीले गोली चलाउँदा दुई जना युवकको ज्यान गएको थियाे ।
जसपाले बालकुमारी घटनाबारे छानबिन गरी दोषीमाथि कारबाही गर्न माग गरेकाे छ । जसपाका प्रवक्ता मनिष सुमनले शनिबार एक विज्ञप्ति जारी गर्दै देशभित्रै रोजगारी सृजना गर्न नसक्नु राज्यको कमजोरी भएको बताएका छन् । रोजगारको माग गर्ने युवामाथि दमन गर्नु र नागरिकको हत्या गर्नु झन् दुःखद कार्य भएको उनले बताए ।
जसपाले पीडितहरुलाई क्षतिपूर्तिको व्यवस्था मिलाउन र घाइतेहरुको स्वास्थ्योपचारको व्यवस्था गर्न माग गरेको छ ।
विज्ञप्तिमा भनिएको छ, ‘ईपीएस परीक्षामा आवेदन दिन नपाउने भनी कसले र किन निर्णय गरेको थियो ? उक्त घटना कसरी घट्न गयो ? उक्त घटनासँग जोडिएको समग्र विषयको सत्य, तथ्य छानबिन गरी दोषीमाथि हदैसम्मको कारबाही गर्न जसपा नेपाल सरकारसमक्ष जोडदार माग गर्दछ ।’
प्रतिक्रिया दिनुहोस
सफल खबर संवाददाता
शनिबार, १४ पुस २०८०, १६ : ३८
लेखकबाट थप
सम्बन्धित समाचारहरु
जसपा कार्यकारिणी समितिको बैठक पार्टी कार्यालयमा जारी
जसपा कार्यकारिणी समितिको बैठक बस्दै
जसपाले लुम्बिनी प्रदेश सरकारको विपक्षमा मतदान गर्ने
जसपा संसदीय दलको बैठक बस्दै
बृहत् सांस्कृतिक कार्यक्रम गर्दै जसपा
जसपाको केन्द्रीय कार्यकारिणी समिति बैठक आह्वान