काठमाडौं । काठमाडौं उपत्यकासहित तीनवटा प्रदेशका विभिन्न स्थानमा वर्षा भइरहेको मौसमविद्ले बताएका छन्।
मौसम पूर्वानुमान महाशाखाका मौसमविद् रोजन लामिछानेका अनुसार अहिले कोशी, बागमती र गण्डकी प्रदेशका थोरै स्थानमा हल्का वर्षा भइरहेको छ।
‘बागमती प्रदेशअन्तर्गत काठमाडौं उपत्यकामा बिहान साढे ३ बजेदेखि वर्षा भइरहेको छ’, उनले भने, ‘राति उपत्यकाभर वर्षा भएको देखिए पनि अहिले भने कतै कतै मात्र पानी परिरहेको छ।’
उनका अनुसार काठमाडौं उपत्यकामा पानी पर्ने क्रम अझै एक/दुई घण्टा जारी रहनेछ र त्यसपछि बिस्तारै कम हुँदै जानेछ।
‘तर फेरि दिउँसो वर्षा हुने सम्भावना छ’, मौसमविद् लामिछानेले भने, ‘भारी वर्षाको सम्भावना छैन, हल्कादेखि मध्यम वर्षाको सम्भावना छ।’
मौसम महाशाखाले आज बिहान ६ बजे जारी गरेको मौसम पूर्वानुमान बुलेटिनअनुसार दिउँसो देशभर आंशिकदेखि सामान्यसम्म मौसम बदली रहनेछ। कोशी, मधेश, बागमती, गण्डकी र लुम्बिनी प्रदेशका केही स्थान तथा बाँकी प्रदेशका थोरै स्थानमा मेघगर्जन/चट्याङसहित हल्कादेखि मध्यमसम्म वर्षा हुने सम्भावना छ। दिउँसोलाई भारी वर्षा सम्भावना भने महाशाखाले देखाएको छैन।
यस्तै राति पनि देशभर आंशिकदेखि सामान्यसम्म बदली रहनेछ।
_20250927191405.jpg)
प्रतिक्रिया दिनुहोस
सफल खबर संवाददाता
मंगलबार, २६ भदौ २०८०, ०७ : ०९
लेखकबाट थप
सम्बन्धित समाचारहरु
आजको मौसम : यी दुई प्रदेशमा हल्का वर्षाको सम्भावना
आजको मौसम : तराईका धेरै स्थानमा हुस्सु र कुहिरो
कस्तो रहला आज देशभरको मौसम ?
आजको मौसम : तराईका अधिकांश स्थानमा कुहिरो
आजको मौसम : तराईका धेरै स्थानहरूमा हुस्सु
तराईमा हुस्सु–कुहिरो र शीतलहरको चेतावनी, सतर्कता अपनाउन आग्रह