आजको मौसम : प्रदेश १ र मधेसमा भारी वर्षाको सम्भावना

काठमाडौँ । मंगलबार प्रदेश १ र मधेस प्रदेशमा भारी वर्षाको संभावना रहेको जल तथा मौसम पूर्वानुमान महाशाखाले जनाएको छ। मंगलबार बिहान गण्डकी, बागमती, मधेश र प्रदेश १ का धेरै स्थानमा वर्षा भइरहेको छ ।

दिउँसो प्रदेश नं १ का धेरै क्षेत्रमा वर्षा हुने आँकलन मौसम पूर्वानुमान महाशाखाले गरेको छ । प्रदेश १ र मधेसका एक–दुई स्थानमा भारी वर्षाको संभावना रहको महाशाखाले जनाएको छ। त्यस्तै, मधेश, बागमती र गण्डकीका केही र बाँकी प्रदेशका पहाडी भूभागका एक वा दुई स्थानमा हल्कादेखि मध्यम वर्षाको सम्भावना छ ।

राति प्रदेश १ का एक वा दुई स्थानमा भारी वर्षाको पनि सम्भावना रहेको छ। हाल देशका धेरैजसो स्थानमा मौसमी वायुको प्रभाव रहेकोले धेरैजसो स्थानमा वर्षाको संभावना रहेको पूर्वानुमान महाशाखाले जनाएको छ।