काठमाडौं । युएफा नेशन्स लिग फुटबलमा स्पेनले चेक रिपब्लिकलाई २–० ले पराजित गरेकाे छ ।
स्पेनको मालागामा आइतबार राति भएको खेलमा घरेलु टोलीलाई विजयी गराउन कार्लोस सोलर र पाब्लो साराबियाले एक एक गोल गरेका थिए। जितसँगै स्पेनले नेशन्स लिगको समूह ए–२ मा अग्रता लिएको छ ।
_20231127105311.gif)
स्पेनको ४ खेलबाट ८ अंक भएको छ । समान खेलबाट ७ अंक जोडेको पोर्चुगल दोस्रो स्थानमा रहेकाे छ । आइतबार रातिको खेलमा पोर्चुगललाई स्विट्जरल्यण्डले १–० ले पराजित गरेकाे हाे । स्विट्जरल्याण्डको जेनेभामा भएको खेलमा घरेलु टोलीलाई विजयी गराउन ह्यारिस सेफेरोभिचले निर्णायक गोल गरेका थिए ।
युएफा नेसन्स लिगकै अन्य खेलहरुमा नर्वेले स्विडेनलाई ३–२ ले पराजित गर्दा ग्रिसले कोसोभोलाई २–० ले तथा नर्थ मेसेडोनियाले जिब्रल्टारलाई ४–० ले पराजित गराएका छन् ।
प्रतिक्रिया दिनुहोस
सफल खबर संवाददाता
सोमबार, ३० जेठ २०७९, ११ : २९
लेखकबाट थप