सुनचाँदीको मूल्यमा गिरावट, यस्ताे छ आजकाे मूल्य

काठमाडौं । नेपाली बजारमा आज सुनचाँदीकाे मूल्यमा गिरावट आएको छ । 

नेपाल सुनचाँदी व्यवसायी महासंघका अनुसार आइतबार प्रतितोला ९९ हजार २ सय रुपैयाँमा कारोबार भएको छापावाल सुनको मूल्य सोमबार ३ सय रुपैयाँले घटेर ९८ हजार ९ सय रुपैयाँ कायम भएको हो ।

तेजाबी सुनको मूल्य भने प्रतितोला ९८ हजार ४ सय रुपैयाँ निर्धारण गरिएको छ । त्यस्तै, आज चाँदीको मुल्य पनि घटेको छ । आइतबार प्रतितोला एक हजार २८० रुपैयाँ कायम भएको चाँदी सोमबार १५ रुपैयाँले घटेर एक हजार २६५ रुपैयाँमा किनबेच भइरहेको महासंघले जनाएको छ ।