कस्तो रहला आज दिनभरको मौसम ?

काठमाडौं । हाल नेपालमा पश्चिमीका साथै स्थानीय वायुको सामान्य प्रभाव रहेको जल तथा मौसम पूर्वानुमान महाशाखाले जनाएको छ। महाशाखाका अनुसार मंगलबार बिहान पहाडी भूभागमा आंशिक  बदली रही अन्य भूभागमा मौसम सामान्यतया सफा रहेको छ।

यस्तै दिउँसो पहाडी भूभागमा आंशिकदेखि सामान्य बदली  रही  बाँकी भूभागमा आंशिक बदली रहने छ। यस्तै प्रदेश १ लगायत देशको पहाडी भूभागका थोरै स्थानहरूमा  क्षणिक वर्षाको सम्भावना रहेको छ।

राति प्रदेश १, बागमती प्रदेश र गण्डकी प्रदेशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने पनि महाशाखाको भनाइ  छ। 

यस्तै प्रदेश १,मधेश प्रदेश, बाग्मती प्रदेश र गण्डकी प्रदेशको पहाडी भूभागका एक दुई स्थानमा मेघ गर्जनसहित क्षणिक वर्षाको सम्भावना रहेको महाशाखाले जनाएको छ।