काठमाडौं । उपप्रधानमन्त्री ईश्वर पोखरेलले निर्वाचनका बेला जनतासँग गरेको प्रतिबद्धताअनुसार सरकारी अस्पतालको सेवा सहज, सरल र र गुणस्तरीय बनाउन आफू प्रतिबद्ध रहेको बताएका छन् ।
मंगलबार काठमाडौं क्षेत्र नम्बर ५ मा पर्ने चारवटा ठूला सरकारी अस्पतालका प्रमुखहरुसँगको बैठकमा बोल्दै उपप्रधानमन्त्री पोखरेलले सो प्रतिबद्धता जनाएका हुन् ।उपप्रधानमन्त्री पोखरेलले सरकारी अस्पतालको स्तरोन्नतिका लागि सरकारको आगामी नीति तथा कार्यक्रममा समेट्ने योजनाहरु समेत आग्रह गरे ।
_20231127105311.gif)
बैठकमा उपप्रधानमन्त्री पोखरेलले सरकारी अस्पतालहरुलाई सर्वसाधारण मैत्री बनाउन निर्देशन समेत दिएका छन् । सरकारी अस्पतालहरुलाई सर्वसाधारण जनतामैत्री बनाउन आग्रह गर्दै उनले असहाय र गरिब जनताको भरोसा नै सरकारी अस्पताल भएकाले विशेष ध्यान दिन आग्रह गरे । सरकारी अस्पतालको सेवामा सुधार हुँदा बिरामीहरुले निकै ठूलो राहत पाउने समेत उनले बताए ।
प्रतिक्रिया दिनुहोस
सफल खबर संवाददाता
मंगलबार, १४ बैशाख २०७८, १८ : ४९
लेखकबाट थप